Aðgengisdagurinn - hvað er um að vera?

Aðgengisdagur Sjálfsbjargar verður haldinn í fyrsta skipti laugardaginn 27. ágúst.

Þennan dag ætlum við að bjóða öllum sem vilja, að taka þátt í að skrá inn upplýsingar um aðgengi að verslunum, kaffihúsum, veitingastöðum, söfnum, kirkjum, íþróttamannvirkjum og annarri þjónustu.

Það eina sem þið þurfið að gera er eftirfarandi:

1. Hlaða niður TravAble appinu í símann ykkar (TravAble appið má nálgast í Applestore og GooglePlay og hægt er að fylla inn í það hvar sem er og hvenær sem er. Allir eru hvattir til að fylla inn í appið upplýsingar um aðgengi í sinni heimabyggð)

2. Fá ykkur göngutúr í nærumhverfi ykkar einhvern tímann á laugardeginum

3. Kíkja á hina ýmsu staði og fylla inn upplýsingar um aðgengi í TravAble aðgengisupplýsinga appið

Það væri frá bært ef þið mynduð taka myndir frá deginum og senda á okkur á [email protected] eða birta sjálf myndir á samfélagsmiðlum og merkja myndina #aðgengisdagur2022