Í lögum um réttindi sjúklinga (sjá 5. gr.) frá árinu 1997 kemur fram að sjúklingur sem er sjúkratryggður á Íslandi en talar ekki íslensku eða notar táknmál á rétt á þjónustu túlks. Heilbrigðisstarfsfólki ber að sjá til þess að sjúklingurinn fái þessa þjónustu.
Hjá rafrænu túlkaþjónustunni Language Line er hægt að fá túlkaþjónustu allan sólarhringinn. Hægt er að fá bæði rittúlka og túlka með símtali eða myndsímtali. Þetta getur gagnast hreyfihömluðum einstaklingum vel og einnig þeim sem notast við óhefðbundnar tjáskiptaleiðir.
Markmið Fjölmenningardeildar Vinnumálastofnunar er að gera hverjum einstaklingi kleift að verða virkur meðlimur í íslensku samfélagi, sama hver bakgrunnur hans er og hvaðan hann kemur. Þar er einnig boðið upp á aðstoð fyrir fólk með hreyfihömlun að skoða réttindi sín og nálgast þau. Frekar upplýsingar um það má nálgast hér og hér.
Athugið að efni hér fyrir ofan er fengið af vef viðkomandi stofnana/fyrirtækja
Hefur þú ábendingar eða frekari spurningar? Hafðu samband hér