Viðtölin standa félagsmönnum Sjálfsbjargar til boða. Til að gerast félagsmaður er hægt að hafa samband við eitt af aðildarfélögum Sjálfsbjargar sem eru staðsett víða á Íslandi. Upplýsingar um aðildarfélögin er að finn hér

Viðtölin fara fram á Samskiptastöðinni

–

Margrét Vignisdóttir

Sálfræðingur
margret@samskiptastodin.is

Greining og meðferð á sálrænum vanda hjá fullorðnum og ungmennum eldri en 18 ára.

• Þunglyndi
• Kvíði
• Sorg
• Lágt sjálfsmat
• Féglagsfælni
• Streita og álag

Margrét Vignisdóttir útskrifaðist með MSc gráðu í klínískri sálfræði frá Háskólanum í Reykjavík vorið 2025 og hlaut starfsleyfi sem sálfræðingur sama ár. Hún vinnur með einstaklingum 18 ára og eldri, og veitir meðferð við vanda á borð við þunglyndi, kvíða, streitu, sorg og lágu sjálfsmati.

Margrét styðst við gagnreyndar aðferðir í sinni meðferð með áherslu á hugræna atferlismeðferð (HAM). Hún öðlaðist fjölbreytta reynslu í starfsnámi sínu á Samskiptastöðinni og á fíknigeðdeild Landspítalans.

Þar fékk hún þjálfun í greiningu og meðferð við margvíslegum sálrænum vanda og neysluvanda hjá fullorðnum. Á námstímanum leiddi hún einnig námskeiðið „HAM við streitu“ á heilsugæslunni.

Í meistaraverkefni sínu skoðaði Margrét hvernig atferlisvirkjun getur gagnast einstaklingum sem glíma við þunglyndi og eru jafnframt greindir með geðhvörf.

Hún hefur sérstakan áhuga á meðferð sem stuðlar að aukinni virkni og bættum lífsgæðum.

Elín Broddadóttir

Sálfræðingur – ungmenni og fullorðnir
elinb@samskiptastodin.is

Elín útskrifaðist með BS í sálfræði frá Háskóla Íslands árið 2016, MSc gráðu í klínískri sálfræði frá Háskólanum í Reykjavík árið 2024 og hlaut í kjölfarið starfsréttindi sem klínískur sálfræðingur. Elín leggur áherslu á hugræna atferlismeðferð (HAM) og sinnir málum á borð við kvíða, þunglyndi, þrálát líkamleg einkenni, lágt sjálfsmat og áföll ásamt öðrum tilfinningalegum vanda. Í námi sínu öðlaðist hún fjölbreytta reynslu á greiningar- og meðferðarvinnu bæði með unglingum og fullorðnum. Hún var í starfsnámi hjá Heilsugæslu höfuðborgarsvæðisins, Geðheilsumiðstöð barna og geðrofs- og samfélagsgeðteymi Landspítala.

Meistaraverkefni hennar fól í sér að árangursmeta hugræna atferlismeðferð í hóp við þrálátum líkamlegum einkennum og starfar hún enn við rannsóknir samhliða starfi sínu hjá Samskiptastöðinni. Undanfarin ár hefur Elín starfað við rannsóknir en hún hefur einnig lokið meistaranámi á félagsvísindasviði með áherslu á lýðheilsu og hnattræna heilsu. Elín hefur mikinn áhuga á heilsu og velferð barna og starfaði lengi í æskulýðsstarfi með börnum og unglingum á öllum aldri.